«Т.Момбеков  атындағы  шағын жинақты  жалпы білім беретін  мектеп» КММ

директоры А.Омарқызы

Айсұлу Омарқызы  1965 жылы 30 қаңтарда Оңтүстік Қазақстан облысы, Созақ ауданы,

Балдысу ауылында дүниеге келген.

Айсұлу Омарқызы  зиялы отбасында тәрбиеленген.1972 жылы Созақ ауданы, Балдысу  ауылы Жамбыл Жабаев атындағы сегізжылдық  мектептің 1 сыныбына барып,1982 жылы Кентау қаласындағы  №1 Ы.Алтынсарин  атындағы орта мектебінің 10 сыныбын бітірген.

1982 жылы Алматы қаласында қыздар педагогикалық институтына оқуға түсіп,1986 жылы педагогика және психология мамандығын алып шыққан.

Еңбек жолын Айсұлу Омарқызы   1986 жылы Созақ ауданының Балдысу ауылында орналасқан  Жамбыл Жабаев атындағы орта мектебінде бастауыш сынып мұғалімі қызметінен бастады. 1992 жылы Қыземшек кентіндегі  Л.Бөкенов атындағы  орта мектебіне бастауыш сынып мұғалімі және орыс сыныптарындағы қазақ тілі пәнінің мұғалімі болып ауыстырылды. 1998-2005 жылдар аралығында Қыземшек кентінің әкімі қызметін атқарған жылдары елге атқарған елеулі қызметімен таныла білді. 2005-2008   жылдар аралығында «Степное РУ» кен басқармасында кадрлар жөніндегі менеджер қызметін атқарды. 2008 жылы күйші-композитор Т.Момбеков атындағы жалпы орта мектебінің директоры қызметіне тағайындалды.2008 – 2009 оқу жылынан бастап бүгінгі күнге дейін мектеп директоры қызметін   атқарып келеді.

Жетістіктері:2001  жылы ҚР Президентінің «Алғыс хатымен» марапатталған болса,осы еңбек өтілінің ішінде бірнеше рет аудан әкімінің Құрмет грамоталарымен марапатталып, еңбегі еленді. 2010-2011 оқу жылының қорытындысы бойынша Т.Момбеков атындағы ЖОМ  ұжымы  «Ең үздік мектеп» аудандық байқауына қатысып, «Жаңашыл мектеп» номинациясын иеленді.

2013-2014 оқу жылының қорытындысы бойынша шағын жинақты мектептер арасында 2 орын иеленгені үшін «Құрмет грамотасымен»және бағалы сыйлықпен марапатталды, 2013 жылы «Нұр Отан» партиясы тарапынан «Алғыс хатпен»марапатталды.  Назарбаев интеллектуалды  мектеп ПШО бағдарламасы бойынша Астана қаласында Республикалық  мектеп басшыларының біліктілік арттыру курсынан өту үдерісінде  ҚР Педагогикалық шеберлік орталығының «Алғыс хатын» иеленді. 2016 жылыАлматы қаласындаҚР ББЖҚБАРИ«Өрлеу»біліктілікті арттыру ұлттық орталығында өткен «Ұлт жоспары -100 нақты қадам: Жаңа Табысты Мектеп» тақырыбындағы Республикалық форумға белсене қатысқаны үшін «Мадақтама» алды.Осы жылы облыс әкімінің «Алғыс хатымен» марапатталды.2015-2016 оқу жылының қорытындысы бойынша өткізілген  аудан мұғалімдерінің тамыз педагогикалық оқуларына  баяндама ұсынып, 2 орынды иеленді.

2016 – 2017 оқу жылының аудандық  рейтинг қорытындысы бойынша Т.Момбеков атындағы ЖОМ  ұжымы  жүлделі ІІ орынды иеленіп, аудан әкімінің «Құрмет грамотасы»  және бағалы сыйлықпен марапатталды.

Мектеп директоры А.Омарқызы білім саласына қосқан үлесі үшін 2017 жылыҚазақстан Республикасының Білім және ғылым Минстрлігінің «Құрмет грамотасына» ие болды.